Д. Мөнхжин
Ихэр хаад
Монсудар хэвлэлийн газрын хүүхдийн номын Жангар редакцаас нийгмийн хариуцлагынхаа хүрээнд буюу Соён гэгээрлийн үйл ажиллагааныхаа нэг хэсэг болгон хүүхдийн зохиолын уралдаан зарласан билээ. Энэхүү уралдааны өгүүллэг төрөлд 8+ насны ангилалд 3-р байр эзэлсэн Ихэр хаад бүтээлийг хүргэж байна.
Эрт урьдын цагт Төгс, Төгөлдөр хэмээх ихэр хоёр хүүтэй хаан амьдран суудаг байжээ. Хаан царай зүс, бие бялдраараа ив ижилхэн хөвгүүдээ хайрлан өсгөхдөө ихэр гэдгийг нь ч олноос нуудаг байв. Тэгсээр хаан нэгэн өдөр насан эцэслэхийн өмнө хөвгүүдээ дуудан ирүүлээд:Та хоёрын хэнийг хаанд өргөмжлөхөө шийдэж чадахгүй байсаар өдий хүрлээ. Хоёулаа л эрдэм, авхаалж төгс хөвгүүд минь билээ. Өссөн шигээ эвтэй байж, хэрхэхээ өөрсдөө мэдтүгэй гэжээ. Хааныг өөд болсны дараа ихрүүд ярилцаад нэрээ нэгтгэж Төгстөгөлдөр болгов. Тэд эцгийн үлдээсэн хаан суудалд хоёул суухаар тохиролцжээ...
