Бремен хотын хөгжимчид
Жангар хүүхдийн номын редакцаас бага насны хүүхдэд зориулан зурагт номуудыг цувралаар хүргэж байгаа билээ. Энэ удаад Ах дүү Гриммийн үлгэр болох "Бремен хотын хөгжимчид" үлгэрийг толилуулж байна. Хүүхдэд зурагт ном тун сонирхолтой байдаг төдийгүй хуудсыг эргүүлэх тоолонд шинээр өөр зүйл олж хардаг байна. Энэхүү номд эзэддээ гологдсон амьтад санаа сэтгэл нийлэн Бремен хот орж хөгжимчид болохоор сэтгэл шулуудан явж байх замдаа эв нэгдлийн хүчээр дээрэмчдийг дийлж буй хөгжилтэй түүхийн талаар өгүүлэх юм. Энэ үлгэрийг уншсанаар таны хүүхэд эв найрамдал, найз нөхдийн үнэ цэнийн талаар суралцана. Мөн өнгөт том зурагтай тул та болон таны хүүхдэд таалагдах болно.
