Алтан мөнгөн аргай
Алтан мөнгөн аргай монгол ардын үлгэрт гэрийн чинээ гэдэстэй, тогоон чинээ толгойтой атгаалжин мангастай тэмцэж , саад бэрхшээлийг даван туулах нэгэн хүүгийн эр зориг, арга ухаан, тэсвэр тэвчээрийг уран яруу дүрслэн үзүүлсэн билээ. Найман зуун адууныхаа түрүүнд явдаг, найр алаг морьтой, найман настай Чагаа хүү атгаалжин мангасыг ялан дийлж, алтан мөнгөн аргайгаа эргүүлэн авч байгаа баатарлаг түүхийг энэхүү номоос уншаарай. Монгол ардын үлгэр нь хүүхдэд багаас нь зориг, тэвчээртэй, зорьсондоо хүрэхийн төлөө шантралгүй тэмүүлж, аливаа саад бэрхшээлийг даван туулахын чухлыг мэдрүүлэхийн зэрэгцээ хүүхдийн хэл ярианы хөгжил, сэтгэхүйн төлөвшилд сайнаар нөлөөлдөг билээ.
